Pablo Herba
30/06/11: O xogador do Galicia de Mugardos, Pablo Herba, a vindeira temporada formará parte do conxunto benxamín do Deportivo da Coruña. Pablo foi elexido polos técnicos do equipo coruñés entre máis de 40 nenos da súa idade procedentes de varios clubs da provincia. Pablo leva dende os catro anos no Galicia demostrando a súa calidade, tanto futbolística como persoal, este ano realizou unha magnífica temporada, sendo un dos nenos destacados da súa categoría, o que fixo que o equipo blanquiazul se fixase nel e decidira incorporalo a súa disciplina. Evidentemente, o Galicia de Mugardos síntese moi orgulloso que un neno de Mugardos poida xogar nun dos equipos máis importantes do estado e continuar nel a súa progresión. O Galicia de Mugardos quere agradecerlle a Pablo o seu comportamento durante estes anos e desexarlle moita sorte nesta nova experiencia para él.
